Tourism

ഗ്രീൻ സോണുകൾ കുറയുന്നു

ഡൽഹി: രാജ്യത്ത് ഗ്രീന്‍ സോണ്‍ ജില്ലകളുടെ എണ്ണം കുറയുന്നു. ഇതര സംസ്ഥാന തൊഴിലാളികളുടെ തിരിച്ചുവരവ് കൂടിയതിനു പിന്നാലെയാണ് രാജ്യത്ത് കോവിഡ്  രഹിത ജില്ലകളുടെ എണ്ണത്തില്‍ കുറവ് രേഖപ്പെടുത്തിയിരിക്കുന്നത്. ഇന്ത്യയില്‍ കോവിഡ്  ബാധ ക്രമാതീതമായി ഉയരുന്നതിനിടയിലാണ് കോവിഡ് രഹിത ജില്ലകള്‍ കുറയുന്നത്. മാത്രമല്ല, നോണ്‍ ഹോട്ട്‌സ്‌പോട്ട് മേഖലകളിലും രോഗം മൂര്‍ച്ഛിക്കുന്നതിന്റെ സൂചനയുണ്ട്.

പുതിയ കോവിഡ്  കേസുകള്‍ ഇവിടങ്ങളില്‍


രാജ്യത്ത് ഏപ്രില്‍ 22 ന് 300 കോവിഡ് മുക്ത ജില്ലകളുണ്ടായിരുന്നെങ്കില്‍ നിലവില്‍ ഇവയില്‍ 174 ഇടങ്ങളില്‍ ഒരു കേസെങ്കിലും റിപ്പോര്‍ട്ട് ചെയ്തിട്ടുണ്ടെന്നാണ് കണക്ക്. യുപി, ബിഹാര്‍, മധ്യപ്രദേശ്, ഒഡീഷ, ജാര്‍ഖണ്ഡ്, ഛത്തീസ്ഗഡ് എന്നിവിടങ്ങളിലെ ജില്ലകളിലാണു പുതിയ കോവിഡ്  പോസിറ്റീവ് കേസുകള്‍ കൂടുതലുള്ളത്. മുമ്പ്, 10 ല്‍ താഴെ മാത്രം കോവിഡ് കേസുകള്‍ ഉണ്ടായിരുന്ന 200 ജില്ലകള്‍ ഉണ്ടായിരുന്നെങ്കില്‍ ഇപ്പോള്‍ 40 കേസുകള്‍ വീതം ഉണ്ട്. 10- നും 15 നും ഇടയില്‍ രോഗികള്‍ ഉണ്ടായിരുന്ന 150 ജില്ലകളില്‍ നിലവില്‍ 100 നടുത്തു രോഗികള്‍ ഉണ്ട്.

90 % കേസുകള്‍ ഈ സംസ്ഥാനങ്ങളില്‍

രാജ്യത്തെ കോവിഡ് കേസുകളില്‍ 90 % വും ഈ 10 സംസ്ഥാനങ്ങളിലാണ്. മഹാരാഷ്ട്ര, തമിഴ്‌നാട്, ഗുജറാത്ത്, ഡല്‍ഹി, മധ്യപ്രദേശ്, രാജസ്ഥാന്‍, യുപി, ബംഗാള്‍, ബിഹാര്‍, കര്‍ണാടക എന്നീ സംസ്ഥാനങ്ങളിലാണ് 90 % വും കൊവിഡ് കേസുകളുള്ളത്. ഇതില്‍ മഹാരാഷ്ട്ര, തമിഴ്‌നാട്, ഗുജറാത്ത്, ഡല്‍ഹി, മധ്യപ്രദേശ് എന്നിവിടങ്ങളില്‍ 80 % കേസുകളുണ്ട്. മഹാരാഷ്ട്ര, തമിഴ്‌നാട്, ഗുജറാത്ത്, ഡല്‍ഹി, മധ്യപ്രദേശ്, രാജസ്ഥാന്‍, യുപി, ബംഗാള്‍, ആന്ധ്രാപ്രദേശ്, കര്‍ണാടക എന്നീ സംസ്ഥാനങ്ങളിലാണു മരണനിരക്ക് കൂടുതലുള്ളത്.

70 % രോഗികള്‍ ഇവിടങ്ങളില്‍

രാജ്യത്തെ ആകെ കൊവിഡ് രോഗികളില്‍ 70 % വും മുംബൈ, ഡല്‍ഹി, ചെന്നൈ, അഹമ്മദാബാദ്, താനെ, പൂനെ, ഇന്‍ഡോര്‍, കൊല്‍ക്കത്ത, ഹൈദരാബാദ്, ഔറംഗാബാദ് എന്നിവിടങ്ങളില്‍ നിന്നാണ്. മുംബൈ, ഡല്‍ഹി, ചെന്നൈ, അഹമ്മദാബാദ്, താനെ എന്നിവിടങ്ങളില്‍ നിന്നാണ് കൊവിഡ്- 19 ന്റെ 60 % വും റിപ്പോര്‍ട്ട് ചെയ്തിരിക്കുന്നത്. മരണസംഖ്യയില്‍ മുന്നിലുള്ള മുംബൈ, അഹമ്മദാബാദ്, പൂനെ, ഡല്‍ഹി, കൊല്‍ക്കത്ത, ഇന്‍ഡോര്‍, താനെ, ജയ്പൂര്‍, ചെന്നൈ, സൂറത്ത് എന്നിവിടങ്ങളിലാണ് രാജ്യത്തെ 70 % മരണവും റിപ്പോര്‍ട്ട് ചെയ്തത്. രാജ്യത്ത് ലോക്ക്ഡൗണ്‍ നടപ്പാക്കിയിരുന്നില്ലെങ്കില്‍ സ്ഥിതി അതീവഗുരുതരമായേക്കാമെന്ന് വിദഗ്ധര്‍. രാജ്യത്ത് കൊവിഡ് രോഗികള്‍ മാത്രം 20 ലക്ഷവും മരണം 54,000 ആയേനെയെന്ന് വിലയിരുത്തല്‍. വിവിധ പഠനങ്ങളും സ്റ്റാറ്റിസ്റ്റിക്‌സ് മന്ത്രാലയത്തിന്റെ കണക്കും ഉദ്ധരിച്ച് കേന്ദ്ര സര്‍ക്കാരിന്റെ കൊവിഡ് ശാക്തീകരണ സമിതിയുടേതാണു കണക്ക്.

Leave a Reply

Your email address will not be published. Required fields are marked *